  Isla saaka ayaa Madaxweynaha, Marwada Koowaad Jumhuuriyadda Somaliland iyo Madaxda Xisbiyada siiba hogaamiyayaasha labada xisbi ee KULMIYE iyo UCID ayaa waxa ay si habsami leh isaga diwaan galiyeen Xarunta Hay'ada Shaqaalaha Hargaysa.
 Waxa Saaka 6'dii subaxnimo ka bilaabmatay dhamaan degmooyinka uu ka kooban yahay Gobolka Maroodijeex ee Hargaysa diiwaangelintii 337, goobood oo gobolka ah maroodi jeex ee Hargaysa. Hadaba mar aanu saaka 6.30 subaxnimo soo maray dhawr gobood oo loogu talo galay in laga qaato Kaadhka ayaan waxaan ku soo maray dad aad u tiro badan oo kuyuu ku jira waxaan is idhi dadkaasi waxay yimaadeen aroornimadii hore si ay goor hore u qaataan kaadhka dadka ayaa safaf aad u dhaadheer u galay subaxii hore si ay isu diwaan galiyaan, abaaro 2 duhurnimo ayaanu hadana mar kale soo marnay dhamaan goobahii la iska diwaan galinaayay, iyada oo wali ay dadweynahii sidii u dhoobanyihiin laymankii dhaadheeraa inkasta oo ay shaqaalahu si xawli leh u wadeen hawshooda hadan waxa badnaa dadka oo iska soo laba dhacaayay, gobolkana waxa uu noqon doona isla markaasna uu yahay gobolka ugu dadka badan gobolada Somaliland.
Isla saaka ayaa madaxweynaha iyo marwada koowaad ee Somaliland iyo madaxda xisbiyada siiba hogaamiyayaasha labada xisbi ee Kulmiye iyo UCID ayaa waxa ay si habsami leh isga diwaan galiyeen xarunta hay'ada shaqaalaha ee caasimada halkaasi oo ay ka qaateen kaadhahdhkii diwaan galinta oo lehaa sawiradooda oo ay ku qornaayeen magacyadoodu, madaxda qaranka ayaa si niyad ku jirto maanta u soo dhaweeyay diwaan galintani, kuna booriyeen in la is diwaan galiyo
Dhawr goobood oo ka baxsan caasimada oo aanu booqanay iyo qaar anu kula xidhiidhna khadka mobil-ka ayaa iyana ay si fiican ay uga socotay diwaan galintu hase ahaatee waxa jira goobo gaabis ah ii ayna si fiican u shaqaynaynin shaqaalah diwaan galintu iyaga oo maanta uu dib u dhacbalaadhani ku yimid 10, goobood oo ka mid ah magaalada Hargaysa,
Dhanka kelana dhamaan gobolka Hargaysa ayaa la sugay amaankiisa iyada oo goobaha lagu arkaayay ciidamo boolis ah oo aad u tiro badan kuna gaashaaman qalabkooda kala duwan, sidoo kale waxa dadka dhex yaacaaya ciidamda sirdoonka oo aad loogu sii daayay goobaha ay diwaan galintu ka socoto kuwaasi oo la shaqaynaaya ciidamda booliska, ilaa hadana ma jirto wax rabshad ah oo dhacday ama laga soo sheegay goobaha diwaan galinta oo saaka subaxdii hore bilaabmatay waxa ay socon doontaa ilaa caawa Sideeda fiidnimo iyada oo socon doonta mudo Lix cisho ah
Dadweynaha gobolka Hargaysa siiba caasimada ayaa si geesinimo leh isu diwan galinaaya, iyaga oo cadawgooda tusaaya in ayna cidna is hortaagi karin qadiyadooda iyo jiritaankooda, taasi oo dadkii soo maleegay qaraxyadii dhawan ka dhacay magaalda Hargaysa ay uga gon lahaayeen in ay carqaladeeyaan diwaan galinta ka hirgalaysa Somaliland, taasi oo ay ka masuul ahaayeen ururka Al- Shaydaan (Al-Shabaab)- ee uu ku qadhaabto ururka Al-Qaaciida. 
Kuwaasi oo xukumada iyo shicibka Somaliland ay aad uga taxadiridoonaan kana hor tagi doonaan waxii hada ka danbeeya oo il gaar ah lagu fiirin doono gacan bir ahana lagu qaban doono, wasiirka arimaha gudaha ee Somaliland ayaa isna maanta shaaca ka qaaday in nebedgalyada iyo sugida amaanku uu aad u wanaagsanyahay isla markaasna uu aad ugu kalsoonyahay arintani in ay si wanaagsan oo nabad leh u dhamaan doonto.
Source Qarannews
|
Print madaxweynaha jsl iyo gudoomiyayaasha xisbiyada qaran oo hal goob iska diwaangali