markabkii yemen oo aan la sii dayn. qaxoontiga somalida/yemen iyo mudahaaraad.
markabkii yemen oo aan la sii dayn. qaxoontiga somalida/yemen iyo mudahaaraad.
Madaxweynaha Yemen ayaa arrintaas si weyn uga cadhaysan. Waxaanu farta ku fiiqay abaal la'aanta Somalida. Waxaana shaaraca Yemen laga dareemayaa cabsi xoog leh oo la soo gudboonaatay qaxoontiga faraha badan ee halkaas ku sugnaa muddo ku siman rubuc qarni.
Safka-hore. 01-12.2008. Sida ay sheegayaan Sxb-da Safka-hore ee ku sugan Magaalooyinka Mukulla/Yemen iyo Bossaso/Pugland/Somalia. Ayaa waxa weli socota waanwaan laga gaadho in la sii daayo Markabka ganacsiga ee laga leeyahay dalka Yemen ee lagu afduubtay xeebaha Pugland/Somalia.
Koox ay dirtay Safaaradda Somalia Yemen oo ku sugan Magaalada Mukulla/Yemen oo ah deked ay si weyn uga ganacsadaan ganacsatada Pugland oo halkaas ka waday waanwaan laga helo Budh-Cad Badeeda Pugland in ay sii dayso Markabka Yemen ayaan weli gaadhin guul ku saabsan sii daynta Markabka shuruud la'aan..
Madaxweynaha Yemen ayaa arrintaas si weyn uga cadhaysan. Waxaanu farta ku fiiqay abaal la'aanta Somalia. Waxaana shaaraca Yemen laga dareemayaa cabsi xoog leh oo la soo gudboonaatay qaxoontiga faraha badan ee halkaas ku sugnaa muddo ku siman rubuc qarni ( 25 sanadood ) oo si weyn u degay dalka uguna badhaadhay nolosha dhinaca nabadgelyada, waxbarashada iyo ganacsiga nolosha caadiga ah.
Wararku waxa ay intaas ku darayaan in Qaxoontiga Somaliyeed oo iyaguna dhinacooda ka cadhaysan arrimaha lagula kacay Markabka Yemen oo isbedel xasilooni darro ah ku keenay nolosha kumannan qaxoonti ah Somaliyeed ay si weyn isugu diyaarinayaan mudaaharaad ay kala hortagaan Qabqable Cabdillaahi Yusuf - Yey oo la sheegay in uu socdaal ku imaanayo Yemen. Socdaalkaas oo lagu waday in uu dhexdhexaadin ka galao Madaxweynaha Yemen Marshaal Cali Cabdallah Saalax furiinka uu furay Madaxweynah Ethiopia Meles Zenawi xidhiidhkii Qabqable Cabdillaahi Yusuf.
Dhinaca kale Madaxda Safaaradda JSL ay ku leedahay J. Yemen ayaa iyagu iska baraxay in aanay arrintaas wax shuqul ah ku lahayn iyaga iyo dadkoodo toona. Waxna anay ka dhaxayn Budhcad-Badeeda Markabka afduubtay oo iyaga la yidhaahdo Jumhuuriyadda Somaliland, Madaxweynahoodu yahay Md. Daahir Rayaale Kaahin oo ay yihiin xukuumad ka madax bannaan Pugland iyo Somalia.
Safka-hore.com
Posted on Monday, December 01 @ 01:35:42 EST by admin
Print markabkii yemen oo aan la sii dayn. qaxoontiga somalida/yemen iyo mudahaaraad.