  Taliyahu waxaa uu xusay inay gacanta ku dhigeen shakhsiga lacagtan soo geliyey Magaalada Burco oo la yidhaahdo Maxamed Cali Jacdi oo u dhashay Magaalada Gaalkacayo ee Puntland, ninkaasi oo sida uu sheegay qorshahiisu ahaa inuu kaga bedesho suuqyada JSL badeecado.
Ciidanka Booliska Burco ayaa habeenkii xalay gacanta ku dhigay lacag faalso ah Dollorka Maraykanka, taasi oo lagu kala iibsaday suuqyada ganacsiga ee Magaalada Burco.
Lacagtan Faalsada ah oo ahayd tii ugu xaddi badnayd ee ay qabtaan Ciidamada Boolisku, taas oo gaadhaysa illaa $ 7,628 Dollor, oo isugu jirta noodhadhka $100 iyo Halka Dollor. Waxay maanta si weyn uga nixisay suuqyada lacagta Burco, taasi oo lagu qabtay Ganacsade isku sheege u dhashay Puntland.
Taliyaha Qaybta Booliska Burco Axmed Maxamed Guutaale oo maanta warbaahinta uga waramayey lacagtan ayaa waxaa uu cadeeyey in lacagtan lagu ogaaday kadib markii dadkii sitay ay u dhiibeen dilaalinta gelisay Suuqyada Sarifka, si ay ugu iibsadaan Badeecado, taasina ay ku ogaadeen Ciidamada Booliska.
Taliyahu waxaa uu xusay inay gacanta ku dhigeen shakhsiga lacagtan soo geliyey Magaalada Burco oo la yidhaahdo Maxamed Cali Jacdi oo u dhashay Magaalada Gaalkacayo ee Puntland, ninkaasi oo sida uu sheegay qorshahiisu ahaa inuu kaga bedesho suuqyada Somaliland badeecado. Isla markaana ay ninkaasi socoto baadhistiisu, lacagtaasina loo gudbiyay Baanka Burco.
Maamulaha Baanka Burco Cumar Cabdi Axmed oo aan kale xidhiidhay sifaha lacagtaasi ayaa waxaa uu cadeeyey inay lacagtani tahay middi ugu khatarta badnayd ee la soo geliyo suuqyada Burco.
Maamulaha Baanka waxaa uu xusay in Astaamaha Lacagtan ay ugu muhiimsan tahay Xasowda Caanka ah ee lacagta oo ay ka maqnayd iyo weliba adayga dheeraadka ah oo ay kaga duwan tahay lacagta caadiga ah, waxa uu warkiisa ku sheegay maamuluhu in shayga kaliya ee lagu ogaan karaa ay tahay Makiinadaha hubinta cidii haysta.
“Waa lacagtii ugu dhoweyd ee lagu khaldami karo, Waayo? Waa lacag cusub oo loo ekeysiiyey lacagta Dollorka Maraykanka”! Ayuu yidhi maamuluhu.
Maamulaha waxaa uu ugu baaqay Sariflayaasha iyo Xawaaladaha inay muujiyaan feejignaan dheeraad ah , kaasi oo xusay inay la xidhiidheen xarumaha ugu muhimsan ee sarifka Magaalada Burco oo iyaguna sheegay in ay hadda hayaan lacagtan oo ku tilmaamay mid naxdin ku ah Suuqyada Somaliland. Kuwaasi oo ugu baaqay in Baanka Somaliland ay qaadaan talaabo adag.
Todobaadkan gudihiisa ayaa calaamadaha lacagtan foorjariga ah lagu arkayey Magaalooyinka Boosaaso iyo Kaalkacayo ee Puntland.
Weriye, Ibraahim Yusuf Warsame
Ilka Case, Burco
|
Print booliska burco oo qabtay dollor xaddi badan oo faalso ah.