|
 |
Main |
 |
|
|
|
|
|
|
|
|
|
|
|
|
|
BBC Somali |
|
|
|
|
|
|
|
|
|
|
|
|
|
JSL, Coming President. Supperhero. Sir Omar Al-Hagi |
|
|
|
|
|
Abwaan Cali Sugule Dun-Carbeed. |
|
|
|
|  |
timir lafbaa ku jirta: tobanka qodob ee shirka garadag qariyay maxay noqon karaa
|
timir lafbaa ku jirta: tobanka qodob ee shirka garadag qariyay maxay noqon karaa |
 |
|
  Tan iyo markii uu bilaabmay shirka Garadag, waxa si weyn indhaha loogu hayay natiijooyinka ka soo baxa shirkaas, maadaama oo ay beeshaasi tahay beesha ugu mucaaridsan beelaha Somaliland, ee si qiyaasi karin uga soo horjeeda xisbiga hadda talada haya ee UDUB.
Intii uu shirkaasi socday waxa gacanta la isu saaray Axmed-Siilaanyo iyo
Saleebaan-Gaal, oo la sheegay in ay ka heshiiyeen turxaantii siyaasadeed ee u
dhaxaysay.
Haddaba maxay noqon kartaa turxaantaas siyaasadeed ee labada siyaasi u dhaxaysay?
Sanadkii 1997, markii uu Saleebaan-Gaal isu soo sharaxay jagada Madaxweynaha Somaliland, waxa la sheegaa in u kalsooni buuxda ka haystay beeshiisa, maadaama oo shirkaasi ahaa shir beeleed ay ka soo qayb galayaan dad lagu soo xulay hab qabiil, hadaba sanadkaas Axmed-Siilaanyo oo ahaa Wasiir ka tirsan Xukuumadii Cigaal, ayaa kala jabiyay taageeradii uu haystay Saleebaan-Gaal, oo ku qanciyay qaar ka mid ah taageerayaashii Saleebaan-Gaal in ay u codeeyaan Maxamed Ibraahim Cigaal (AUN). Taasina waxa ay sababtay in Saleebaan-Gaal doorashadaas lagaga adkaado.
Saleebaan, halkaas waxa uu Siilaanyo uga qaaday godob sida la sheego, waxaanu si toos ah ugu biiray UDUB, kadib markii uu u hadhay xisbigiisii Asad, sababta uu UDUB Saleebaan ugu biirayna waxa la sheegaa in ay tahay in uu kaga aarsado Siilaanyo. Waana kii qaaday olole ka dhan ah Kulmiye 2003, ee ay UDUB doorashadii heshay Kulmiyena uu waayay.
Hadaba turxaanta siyaasadeed ee dhex taalay Saleebaan Iyo Siilaanyo taas ayay ahayd, ee ma aha wax ay ku heshiiyeen in Saleebaan oo UDUB ahi sanadkan taageero Siilaanyo?
Mise waxay ku heshiiyeen in aanu samayn olole ka dhan ah Madaxweynenimada
Siilaanyo? Waa yaab ee sidee ayaa loo heshisiin karaa laba siyaasi oo ku kala jira
laba xisbi oo isu ah bisad iyo jiir? Oo ku kula duwan afkarta dhaqaale, siyaasadeed, maamul, difaac, waxbarasho intaba? Illaa hadda maan helin jawaabo kaafi ah oo ku saabsan su’aalahaas, waxaanan leeyahay shaki wayn ayaa laga qabi karaa heshiisiintaas labada siyaasi.
Hadiiba la heshiisiiyay labadaas nin, oo ay madasha shirkana fadhiyeen badi
xildhibaanadii bariga Burco uga soo baxay Xisbiga Kulmiye sida uu sheegay Cismaan Buurmadaw, miyaan la odhan karin beeshu waxa ay isku raacday in ay taageero buuxda siiyaan Xisbiga Kulmiye doorashada Madaxweynenimo ee March 2009? Oo ay gabi ahaantoodba u codeeyaan Kulmiy?
Waxa ayaan darro ah in maanta Somaliland gudaheeda lagu arku shir beeleedyo la soo dhaafay, iyada oo aynu qaadanay nidaam axsaab badan ah.Waliba waxa ka sii daran in shir beeleedkii uu ka qayb galo Gudoomiye Xisbi Qaran, oo u taagan in loo doorto Madaxweynenimoda Somaliland.
Haddaba ugu dambayn natiijada shirkaas ka soo baxday waa mid afgobaadsi ah oo aan xambaarsanayn nuxurka iyo dulucdii shirkii socday mudada.Waxaanay qodobadaas warbaahinta la keenay u muuqdaan qaar lagu majare habaabinayo Shacbiga Somaliland, oo indhaha dadka lagu jeedinayo.Taasna waxa marag u ah in la qariyay toban qodob oo ka mid ah wixii lagu heshiiyay.Waa yaabe tobankaas qodob ee la qariyay ma qaar qabyaalad xambaarsan baa? Ma qaar dagaal hurinayaa? Ma qaar Daahir Rayaale diidan baa? Ma qaar Somaliland duminayaa?. Maxaa loo qariyay?!
Mubaarik Maydal Muuse
maydal04@hotmail.com
|
|
|
Posted on Sunday, August 17 @ 15:02:38 DAVT by admin |
|
|
|
|
Name : Daan bari
Subject : Re : timir lafbaa ku jirta: tobanka qodob ee shirka garadag qariyay maxay noqon karaa
Date : 2008-08-17
|
Beesha waa halkii wariyihii BBCda ee maxaa beelaha kale ka duway ee marwalba beeluun u hadal hayaan? ma jinni baa ku dardarey mise markay dhasheen baa Mukulaali ka boodey? Mise darajada Beelnimo ayey dhawaan gaadheen?
Somaliland laba Taajir hadday idiin dhashayna idinka ammaan helimayso.
|
[ Reply ] |
|
Name : yaabane
Subject : Re : timir lafbaa ku jirta: tobanka qodob ee shirka garadag qariyay maxay noqon karaa
Date : 2008-08-17
|
Waxa ilaahay mahdii ah mar hdii waxuun ka soo baxeen shirkii beelaha habar jeclo,waxa yaab le akhristayaal sadi ay u fakirayaan dadka qaar markaad ANIGa tidhaa dad iska saartaye xageed u socotaa? waxa caada ah nin reerkan aynu walaalaha nahay ee habar jeclo marka lala aftamayo lagu tilmaamo sal fudayd iyo ka fiirsasho la,aan.
Waxaan dib inoogu yara celinayaa wakhtigii SNM iyo balay gubadle waxa inoo yaalay sharci ah inaan goleha dhexe ee SNM aanu gali karin ninaan uyaran joogin halganka mudo laba sano ah waxa yimi saleemaan gaal oo joogay waxa ka yar lix bilood waxy yidhaah deen hadaan lagu darin golaha dhexe sacsac ka raacimaayo oo dareeraynaa waa loo yeelay ,waxa xigtay markii dalka la markii la doonay in laga guuro beelysiga ee la sameeyay dastuurka iyo xisbiyada waxa ay beesha ooy hormood ka yihiin siilaanyo iyo saleebaan oo wada socon laakiin u wada socda beelnimada oo qudha ay diideen dastuurkii loo codeeyaya iyo xisbigii udub ee uu markaa ku dhawaaqay marxuum cigaal igaoo u arkayay ina aanay marnaba la tartami karin cigaal waatee salaadiinta la soo basbaaseeyay ee ala iibsaday intii badnayd baarlamaankii markaa ee lagu kala baxay dastuur ma samaysana a iyo maya hal cod oo qudha wax waliba waayo argnimadeeda le waa ta maanta shacabku u diideen wax kastooy ku kacaan ,waxa wadanka badbaadiyay xisbiga ucid oo markaa ogolaaday inuu noqdo urur u tartama xisbinimo waxana iyo garab diidanaa markaa in lagu noqdo beelo oo baarlamaanka ahaa ,iyadoo sidaas ah oo anu wali furan siilaanyo urur ayaa waxa timi geeridii cigaal waxay labadooduba kaga dhawaaqeen burco inay beel waliba halkeeda ilaaliso nabd galyada inta ay beelaha somaliland isku imanayaan (warkaa waxa ka soo diray xuseen cali noor burco) hargaysan waxa ka socday waxii uu dastuurku qorayay oo ahaa inuu inuu madex wayne ku xigeenku xilka qabto inta la gaadhayo doorasho xor ah waxa yimid aaskii siilaanyo iyo saleebaan waxy aad isga hubsadeen ninka la aasayaa inuu yahy cigaal iyo inkale waa u cadaatay maalintaa ka dib siilaanyo waxa uu shiriyay beeshii oo yidhi waa kalkeenii ninkii aynaan la tartami karaynini waa baxaye xisbi baynu samaysanaynaa ee soo ururiya dhaqaale ,aad bay u dadaaleen beeshu oo dhaqaale fiican bay keeneen xataa dumarbaa iibiyay dahabkooda waxaanu filayay inuu riyaale daqiidao ku qaadanayn la tartankiisu khaladaad badna oo ku dhacy riyaale iyo kooxdiisa dartii waaba laysu soo dhawaaday ,beeshuna boob iyo huuuhaa bay ku jiidhsiisay cudbixintii laakiin ma dhacin ninkii ilaahay u qoray iyo daacadnimadii baa badisay iyo ilaahay dalka wanaag la damacsanaa ,hadaba ilaa maalintaa laga helay codka ilaa maanta oo shir ka socdo beesha waxa xanuunayay madaxa oo waxaad moodaysaa in waxy leeyihiin laga qaaday ama xaqoodii cidkale cunayso waxa siilaanyo ku dadalya inaanay dhaqaaqin dawladaasi oo laga cuyaamiyo dhaqaalaha ,baarlamaanka ,saxaafada oo ninkii lacg lagu iibsan karona lagu iibsado kii kalena loo cawdo oo la yidhaa hanu dhisin waxan markay halkaa marayso waxa soo dhawaaday wakhtigii riyaale ay kaga ekayd xafiisku waxa ika daba hadlay laba nin oo isku beel ah dhangae baanu kaga soo saaraynaa maalintay ka dhamaato ,iyo ha cararo ilaa boorama malintay ka dhamaato mudadu waa siilaanyo kaahie taa waxy aad damaqday dadwaynihii eeganayaya waxay wadeen mudadii shanta sano ahyd iyo waxay hore u soo dhigeen waxaana la yidhi maya maya ankaa dooranay haduu kursi uuni idin hor cararay sidan laguma fuulo.
waana taa ta keentay shirka beesha ee gar adag waxa hadab jira rag faro ku tiris ah oo beesha ah oo wadaniyadu aad ugu dheertahay laakiin ay iyku u yaqaaniin in ay gaaloobeen oo uu ka mid yahay boqor cismaan boor madow iyo beeshiisa muuse abokor oo fashiliyay waxa la hadoodilayo waana ta keentay inuu shirkii laka bariiqdo oo kala hadlo waxii loogu talo galayna wax iska badalaan .hadaba qodaba ka soo baxay waxa ugu wayn inta layna maqashiiyay in diiwaan galintu dhib ku tahy beesha maxaa la doonayaa boobkii ,waxba ha warwareega walllayaale badka iskeena idinkaa dadka iska saaraye oo hore iyo diba diidahe
Name : Mr. Halgame
Subject : Re :timir lafbaa ku jirta: tobanka qodob ee shirka garadag qariyay maxay noqon karaa
Date : 2008-08-18
“ Garadag” OR the Government…
Which one of the above two must we worry a lot “Garadag” convention, or the government actions?
Lately there was a lot of “qooqa,”a vain talk. A lot of disinformation, despondency and actions bortarnish dering deception instigated by the government to undermine and the “Garadag” convention before even the convention started!
A lot of clan-based conventions has taken placed in side and out side Somaliland, ranging
From Somaliland haters with their agenda of denial and destruction of Somaliland, to “Gulwadazed” government orchestrated gatherings/conventions against the voices of conscience!
No Abdi warabe, no Ina Ali warabe, No Riyale, ever talked of these ill intended destructive conventions or gatherings, let alone denounce them which they deserved to be denounced!
Bear in mind that the conference there told us that they are over there for the good of the communities there and for the good of Somaliland. We do not see any ill intentions for that. Why the government is afraid of?
The government actions or reactions on rounding up innocent citizens and killing them by trigger “ fitna” trouble which we least need when people are starving, but a witnet government may not see it that way!
The government actions defy universal intelligence, fairness and even common sense! The elements that are parking the loudest are the very ones who used to do this job and extra for Mr. Morgan when he was there where Riyale is now!
At that time SNM was the target. Now “Garadag” convention is the target in a different circumstance by a different entity!
We travelled that road before! It is a familiar song! We saw it before! It smells no good!
Before the Somaliland rulers scare us of “Garadag”-convention, let every body in Somaliland and out side the Mother Land ask them selves’ two-truth based questions and then try to answer them.
1-Who is the people gathered there, in “Garadag” which the government is scared us of? The answer is: -
They are the very people who sacrificed blood and treasure for the liberation of Somaliland and the establishment of this 2nd Republic of Somaliland
2- Who are this government and their attack dogs throwing unfair suspicion on “Garadag” convention? The answer: -
They are the remnants of late Afwayne who have no emotional bond to this 2nd Republic of Somaliland. That is why they are doing what they are doing! Therefore, who of the two parties are we to worry a lot and be afraid of for the country?
It is like Morgan telling us- “be afraid of Garadag, Gabiley, Oodwayne, etc!”
The ruling entity created an unseen culture of corruption in Somaliland
1-The president owns all comes to the presidency and all goes there! The presidency is the National Bank
2-Every Minister owns what ever (the budget) goes to his/her Ministry minus the meager salaries of the skeleton, discontented staff that neither grows nor develops!
3-They kept an illegitimate “Guurti” her term in office expired long time ago for the purpose of defending and extending the term of a president his term also in office expired too! Here the opposition stood with them against the constititution of the nation!
4-the government keeps that illegitimate house to kill the work of the House of Representatives prematurely upon birth and they succeeded that evil mission perfectly!
5-The government and the Goorti told the world that Somaliland is not stable and there is no real peace with legs there, only to justify the illegal extension of the term of the president! -Unfortunately the opposition joined forces with them here too!
Mr.Ould Abdulla, the UN representative for Somalia took this message to the UN. The secretary general of the UN cited that report and told the world body what the government and the goorti of Somaliland publicly announced and told his representative, that there is no peace in Somaliland! (Perhaps the government is on some thing, creating evil for the Motherland?)
Remember peace was and is the beacon and the showcase and the mantra for Somaliland! But this government has killed all these, and no Abdiwarabi and likes ever raised a descending voice! On the contrary the old man was an important part of this betrayal of immense proportions! The parliament in being silent in all these is with them too!
And that was the only product Somaliland was selling to the world, to win recognition!
That is the government, which is scaring the people of the Garadag convention!
No Abdiwarabi and none of those parking loud against Garadag never said any thing against this national stupidity, which borders treason!
They sold Somaliland just to satisfy their greed and moved Somaliland to where ever the instinct of their greed for money may lead them, like Aljaberalization of the free market, like the Aljaberalzation of the political parties, and yet they dared to tell us to be afraid of Garadag!
The government resorted to a negative, nasty, conflict-creating approach in this convention and indeed in all other cases they dealt with
Now which one, the government which descended on Somaliland at a time the nations conscience was on indefinite leave of absence, or the Garadag convention which calls of no evil, are we to worry about?
How ever, peace. | Name : Mr. Halgame
Subject : Re :timir lafbaa ku jirta: tobanka qodob ee shirka garadag qariyay maxay noqon karaa
Date : 2008-08-18
Riyaale Faqash: The Cancer that ails the people and the State of Somaliland!!
According to appearances, what started out in 2003 as a tiny and negligible swelling commonly known as Riyaale Pimple Syndrom on the body of the government and State of Somaliland, have grown ten-fold in time, to become a big malignant and invasive growth or tumour, which is currently threatening and endangering the life and welbeing of the proud, noble, cultured, and intrepid people and the State of Somaliland.
This Riyaale Faqash Cancer needs an immediate emergency medical attention and remedy to reverse this deadly disease before it mutates or spreads destructively and severely affects the entire people and State of Somaliland.
In fact, it is a matter of life and death. Therefore, neglecting this disease any further and not acting quickly to remove this dangerous type of Cancer disease in Somaliland, before it is too late, it will be too painful and costly in both short and long terms particularly to our hard won independence, freedoms and liberties, human rights, democratic system and processes, the Constitution and the laws of the land, key national institutions such as the Executive Branch, Legislative Branch, and Judiciary Branch of government, civil society organizations, general aw and order, peace and security, stablility and territorial integrity of the country, amicable coexistence of the citizenry, efforts towards developing an effective and efficient public and private sectors, the struggle to achieve sustainable development on all aspects of life and the upward mobility of the citizenry, sound political; economical, and social standing, the the good image of Somaliland, the efforts towards attaining an international political recognition, and the just cause and existence of Somaliland.
As a result, the Cancerous Riyaale Faqash Disease must be surgically removed now, with or without election in the public and national interest. And following the successful removal of this serious cancer, we must immediately embark on the rehabilitation, transformation, and reformation of entire people, government, and the State of Somaliland in order to heal, once and for all.
Victory and Liberty,
Mr. Halgame,
May God bless the people and the State of Somaliland. Amiin. |
|
[ Reply ] |
|
Name : Liban Awale Guleid
Subject : Re : timir lafbaa ku jirta: tobanka qodob ee shirka garadag qariyay maxay noqon karaa
Date : 2008-08-18
|
Reerku waxna waa sheegayaan waxna waa shareerayaan
Haddii aan wax kale laga hadlayn maaha inaynu muran iyo warwareeg ku waalanno, qofku waxa u ogyhay waxa weeye laba midkood sheeko iyo shaahid. Maanta xaalka dalkeenna oo qof wal oo nooli uu ka war qabo ayaa dadka qaarkii sidii ilaahay iyaga u waxyoodo ay qiil aan jirin u raadiyaan amma wax la ogyahay bay daffiraan run ma ku wada hadalnaa si aynu dhab uga faalloonno waxa meesha ka jira ee dhibaatadu ay tahay.
Looma baahna inaad ku faraxdo ama ku raaxaysato war aad laabta ka jeclaatay adoon hor eebbe ugu qanacsanayn loomana baahna inaad ka biyo diiddo amma aad ka cadhooto haddii uu kuu cuntami waayo aamma aad reer wax laga sheego.
MAXAY TAHAY DHIBAATADA JIRTAA
aan farta ku fiiqo dhibaatada Somaliland ka jirtaa oo u qaybsan mid wax laga qaban kari lahaa haddii wada jir la helayo oo waa qaldaadka xukuumadda , dawladdan tii hore iyo ta soo socotaaba kamay iman Xamar oo innagaa leh way qaldamaysaa laakiin waa in innagu aynaan kala jeedin si loo saxo waayo waxa markaa la haystaa aragti isku mid ah , waxaana si sahlan meesha uga baxaya khilaafadka xukuumad iyo shacbigeeda ka dhexeeya.
Maxaa taa hor taagan?
Waxa hor taagan oo kow ka ah in arrimuhu hagaagaan qodobbo dhowr ah oo is bahaystay oo midiba xilli uu bilaabmay waxaanay kala yihiin sidan:
--- Qabyaladda oo ah ta uugu daran.
--- Mucaraaradka oo aan tayo lahayn hab qabiilna wax ku doonaya.
Taa waxa daliil u ah in xisbiyadii loogu talo galay in lagaga baxo hab-beeleedka oo taa beddelkeeda dalka ay u gudbiyaan marxalad ka dheer qabiilka oo qofku aragti uu ku raaco xisbiga uu rabo, ayaa waxa inoo caddaatay inay ku kaceen curyaaminta dalka oo iyagu noqdeen qaar si badheedh ah u aaminsan qabyaaladda , xisbiga mucaaradka u weyn ee kulmiye ayaan u jeedaa, waxa iyana la yaab leh reer dhammantiiba mucaarad ah isla markaana xisbi keliya ku jira, waan ogahay in ay jiraan tiro yar oo aan wax ka soo qaad lahayn oo xisbiyada kale ku jira, laakiin si aad u culus oo la yaab leh ayay kulmiye u saydareen.
--- Ku dalka soo xoreeyay iyo ku debed yimi iyo in badan oo huguri ka hayo talada dalka oo tartanka u haysta curyaaminta xukuumadda taasoo keenaysa inaan waxna u socon sidii laga filayay oo la isla dego.
LA SOCDA QAYBTA LABAAD
|
[ Reply ] |
|
Name : CIIDAMO MALAYKO
Subject : Re : timir lafbaa ku jirta: tobanka qodob ee shirka garadag qariyay maxay noqon karaa
Date : 2008-08-18
|
KULMIYOOW SOMALILAND HA KA LA GOYN: QAYBTII-III
--------------------------------------------------------------------------------
(KULMIYOOW SOMALILAND HA KA LA GOYN: QAYBTII-III)
hadhwanaag 2008-08-17 (Hadhwanaagnews) Waa qaybtii seddexaad ee jawaabtii “Galbeedoow Somaliland ha ka la Goyn.” Dareenka Ibraahim Gaagaale ka bixiyey sida ay u dhacay doorashadii madaxtooyada ee bishii April 14, 2003, ma aha mid kelidii ku kooban ma aha e waa mid dhammaan ay ka simanyihiin, waxana ka markhaati ah in bishii Juun 9, 2003 markii Axmed Siiraanyo yimid, shir doceedkii u horeeyey su’aashii shirka in badan lagaga doodey waxay ahayd: “Axmedoow madaxtinimadaadi waxa is hortaagay codkii beesha heblaayo ee Hargeysa!?” Dareenka noocan ihi wa mid ilaa maanta la aaminsayahay waana arrin xaqiiqada aad uga fog; jawaabteedna waxa la arkidoona marka Xaaji Axmed oo madaxtinimo doonayaa Hargeysa iyo Gobollada Galbeed hor yimaado. Maalintaas ayaa lagala xisaabtamiye dadka sida Ibrahim Gaagaale aaminsani samir ha u yeeshaan. Dakda ku dhaqan Deegaanada Koonfur Galbeed, Galbeedka, Waqooyiga, iyo Gobolka Gabiley ee shan iyo labaatan sannadood degta ku sida Xaajiga mardambe codkooda ku shubimaayaan god madow iyo Xisbi lahaanshihiisii reer isasiiyey. Xisbiga Kulmiye lafdhabarta taageeradiisu waa deegaanadaa an hore u soo sheegay. Gebi ahaan dalka meel cod intaa le’eg Kulmiye ka soo hoyn karaa ma jirtaa? Jawaabtu waa maya. Ibraahim aar-boodoow ogsoonow jiritaanka Kulmiye waxa inaga xigta inta doorashada ka hadhsan. Ku tala gal ballantu waa inoo doorashada madaxtooyada markaas ayaad ogaandoontaa in Gobollada Galbeedku Xaajiga hagradeen iyo in kale.
GAAGAALE SHEEKADA HADDAAN GUN UGA FAALOODO
WAXA LAABTA KAA GUBAY XUMAAN AAN LA GARANAYNE
WIXII AAN GARGAARIYO WANAAG KUGU GUNAYNAAYAY
GUUTOOYIN HEEGANA RAGAY GAAJO KARIWAYDAY
GAASHAAN BIRIYO WIILASHII GAADHKA HORE JIIFAY
GABAL DHACIYO WAAGABA RAGII JOOGAY GARABKAAGA
GAAWAHA WIXII AAN U CULAY WAA LA GEES MARAYE
DEEQDII GALBEED IYO ADAA GABAY ABAALKIIYE
GALBISYADA SULDAANADA MARKUU GOLAHA KEENAAYAY
EE UU IBLAYSKA U GALEE GACANTA SAARAAYAY
MUU GARANIN XAAJIGU HALKII GOBO’DU AY TIIL E
ADDUUNBAA GADAAL EEGAYEE LOOGA KALA GUURIYE
GEEDIGA WAXAA LOO LALABAY GURI BARWAAQAADE
ISKA GAABSO XAAJADAN HORAA LOO GUDOONSADAYE
16: Samir, dulqaad, iyo saan adag nimaan lahayn inuu siyaasad ka dhex botoriyaa meesha ma taal. Gobollada Galbeed xukun ay isku dhejinayaan oo isasiiyeen majirto. Dowladnimada iyo xukunka dalka waa loo simanyahay cid la duudsiyeyna haba sheegin sidaan hire usoo sheegay. Jiritaanka iyo Qaranimada Somaliland waxa difaac adag u ah ciidanka Qaranka oo isugu dhaffan lixda gobol ee dalka; goorma ayaa difaacii dalka Bari ku keliyeystey. Derbiga soomadaaye ninkan waardiyaha ka ahoow intaad dumis, dhinacna uga joogso juujwama’juujka iyo cadowga soo qamaamaya. Nin duda iyo mid Somaliland samir u yeelanwaayoow halkaad wax ku ogtahay jidka loo maro iyo toobiyaha halabso. Dadweynaha Gobollada Barigu dalkooda iyo dowladoodba wey ku kalsoonyihiin, ninkiise balaayo kale u gawaameysaa fallaadhaha qoraxda ha soo taabto. Xiligii Beelbaa dudeysa ama hebelbaa wax derdereya la isku maaweelinjirey geedi dheer ayeynu ka soo hayaanaye yaan dib wax loo gocan.
17: Haddaan la is inkirahayn, waxa gef qaranimada Somaliland la barbar dhigo Afrikada xukun jacaylku ragaadiyey ee cid kala furdaamisa la la’yahay. Maalintii Allah ha u naxariiste Madaxweyne Maxamed Xaaji Ibraahim Cigaal geeriyoodey distoorkii dalku siduu dhigayey ayaa la raacay. Adduunweynihii waxay ku noqotay fajac iyo mucjiso aan Afrika hore u soo marin. Maanta oo taariikhdaa lix sannadood ka soo wareegtey ninka burbur iyo balaayo saadaalinayaa badda haka cabo. Magaalada Hargeysa ee Ibrahim sida gaarka ah fart ugu fiiqayaa ma geydo hadal uu ka dhawaajiyey, Xisbiga aad u ololaynaysana taageerada uu dalka ku leeyahay 40% wuxu ka helay Gobolka Maroodijeex. Shanta Gobol ee kale midna taageero ta Hargeysa u dhiganta kama soo hoyn.
Hadaba hadday Hargeysi noqotay hoyga kelitalisnimada, ogsoonow in Kulmiye lumiyey taageeradaasi intii ka dambeysey Shir Beeleedki lagu qabtay Ambassador Hotel Bishii March 29-31, 2008. Kooxdii isbedeldoonku maxay shirweynihii xisbiga kulmiye ku tilmaameen? Waxay ku tilmaaneen in ay madashii shirku isu bedeshey beelaysi qawaan markii ay caddaatay in jagooyinkii lambaro lagu bedeley mudnaanta siinaya beelaha, sida kaalinta koowaad= Beel Heblaay; kaalinta labaad= Beel hebla; kaalinta sedexaad= beel hebla iwm. Waxana nidaamka dalka ugubka ku ah laga soo xigtay sidii mustacmarka Franciisku kula dhaqmi jirey dalka Jabuuti!
18: Hal yar oo tusaala ah an ka idhaahdo doorashadii April 14, 2003. Taageero iyo codbixin markay noqoto, gebi ahaan Gobollada Galbeedku si hagar la’aan ah oo gobonimo leh ayey Xaajiga ugu xaqsooreen. Reer Galbeed si Allah ogyahay ayey odeyga ugu loogeen. Xaqiiqadu waxay tahay: BARIBAAN SI FIICAN DUQA LOOGA SOORYEYN! Waxan uga socdaa Bal hada isbarbar dhig Bari iyo Galbeed midkasta codkii Xisbiga Kulmiye uga soo hoydey doorashadii madaxtooyada:
Galbeed
Hargeysa: 81,585
Saaxil : 10,271
Awdal : 16,607
Wadar : 108,463 108,463/205,515 = 52.78%
Bari
Togdheer : 63,506
Sanaag : 27,830
Sool : 5,524
Wadar : 97,5260 97,052/205,515 = 47.22%
Codki doorashadii Golaha Wakiiladuna waa sida oo socota:
Gobollada Galbeed: 135,073/228,328= 59.16%
Gobollada Bari : 93,255/228,328 = 40.84%
Walaalkeen Ibraahim Aar-Boode ha ogsoonaado in jiritaanka xisbiga Kulmiye ay ku dhisantahay taageerada Gobollada Maroodi Jeex iyo Gabiley. Dadka codka bixinayaa Xisbi iyo shakhsi midna uma rahmana e hadba halka ay dantoodu ku jirto ayey ku tashandoonaan. Shalay halkii lagu hungoobay dib loogu noqon maayo. Wadankuna seddex nin iyo seddex xisbi oy boorsooyin ay ku sitaan u afduubnaanmaay. Maxaa isdaba mariyey doorashooyinkii deegaanada iyo tii madaxtooyada? Waxa la isu weydaarshey seddexda Guddoomiye ee seddexda xisbi qaran ayaa heshiis ku galay in ay dalka kooto ku heystaan. Kootadii adhiga loogu xidhay maal qabeenka Sucuudiga ah ee Saleebaan Al-Jaabiri cawaaqibkeedii sow ma aragno halka uu marayo. Kooto siyaasadeed iyo mid ganacsitoona dalkani uma baahana e ummaddu aayeheeda haka tashato.
Haddii loo xisaabtamo sida Gaagaale, ogsoonoow laba nin oo reer Galbeed ah aya tartanka ku jirey. Faisal Cali Faarax oo reer Hargeysa ah miyaan Siiraanyo laga hormarin, halkay xisaabtu kaa dhaaftay. Sidaad nin Bariyoow u hadleyso, macneheedu waxa weeye taageeradii Gobollada Galbeed Axmed Siiraanyo siiyeen sow tacab khasaar ma aha?
19: Gunt iyo Gebo gebadii, haddii inuun meesha libin laga soo hoyn lahaa, Gaagaaloow miyaan Xaajiga ilmaadeeradii sutida u qaban oon hadh cad codkii beesha sidaad ogtahay wado cad looga marin? Waar miyaan Maxamed Kaahin oo gaadhigii Siiraanyo watta Caynaba dusheeda lagaga dejin? Magaalada Burco miyaaney Maxamed Kaahin iyo Saleebaan Gaal gacanta isula tegin? Ta kale ee ka sii daran xiligii ololaha wixii adduun xisbiga ganacsatada iyo jaaliyadaha debedu ugu deeqeen ma ogtahay in aan haba yaraate hal shilin looga loogin Gobollada Galbeedka. Waar nin yohow adigaa iska bowbowlehe, bal is hubso qashinka aad kor fadhido haddii daboolka laga qaado nafluhuba wuu le’ane. Sheekado bari iyo galbeed ma joogta ee runta ha la isu sheeg: DALKA HADDI LA DOONAYO INUU HORE USOCDO SEDDEXDA HOGGAAN EE XISBIYADA QARANKA HA LA BEDELO; HOGGAN CUSUB OO HANAN KARA KALSOONIDA UMMADA DALKANA BADBAADIYA. RAGGII SHALAY FASHILMAY MAANTA GUUL MAY SOO HOYNAYAAN. HADII TAA LA WAAYO WAA RIYAALE IYO MAAMULKIISA OO SHAN SANNADOOD OO DAMBE INA HOR FADHIYA.
Dhammaad,
Rashwaan Y. Muxumed
Rashwaan1967@yahoo.com
or
arashiid@yahoo.com
************************************************************************************
Hadhwanaag marnaba kama masuul aha aragtida dadka kale. Qoraaga ayaa xumaanteeda, xushmaddeeda iyo xilkeedaba sida. Waxa keliya oo ay Hadhwanaag Media dhiirri gelinaysaa waa isdhaafsiga aragtida, canaanta gacal iyo talo wadaagga
Submited By hadhwanaag : 2008-08-17
Name : Mr. Halgame
Subject : Re :timir lafbaa ku jirta: tobanka qodob ee shirka garadag qariyay maxay noqon karaa
Date : 2008-08-19
August 18, 2008
“Anigu, xisbigayga iyo inta iga tala qaadataa halgan horaan u soo marnay qadhaadhkiisana waan naqaana ….” Axmed Siilaanyo
Hargeysa, (Harowo) Gudoomiyaha Xisbiga KULMIYE Axmed MAxamed Maxamuud [Siilaanyo] oo ka mid ahaa masuuliyiintii kala duwanaa ee ka hadlay xafladii qalin jabinta ardayda Jaamacadda Hargeysa ayaa ka hadlay arimo kala duwan waxaana hadalkiisi ka mid ahaa.
"Madaxweyne ku-xigeenka, Madaxda kale ee sharafta leh ee halkan isugu timid, Ardayda, Waalidiintooda, Macalimiinta iyo dhamaan marti sharafta kale marka hore aad iyo aad baan idiin salaamayaa aniga oo ku hadlaya Magaca Xisbiga Kulmiye Taageerayaashiisa iyo hogaankiisaba hambalyo aad iyo aad u balaadhan oo kal iyo lab ah ayaan halkan idiinka soo jeedinayaa gaar ahaan Ardayda Maanta halkan ka qalin jabisay oo aan leenahay hambalyo.
Marka labaad jaamacadda Hargeysa oo ah Jaamacad aad iyo aad u wayn dalka wax fara badan u qabatay dhalinyaro badan u soo saartay, mustaqbalka dalka Somaliland iyo aayihiisa ka geysatay ama ka geysan doonta gacan wayn iyagana waxaanu leenahay hawsha aad ku jirtaan ee wayn Illaahay haydin la qabto oo ha idiinku garab galo, Maanta anigu halkan ma jecli inaan siyaasad ka hadlo waayo? Xaflada tan waa xaflad arday ka qalin jabisay aan ku hanbalyaynayno iyo jaamacadda iyo shaqaalaheeda.
Mr. Siilaanyo waxa uu xusay in Somaliland ay waxbadani u qabsoomeen "Dalkeenu maanta halka uu marayo waxyaabo badan oo aynu ku faanayno dal ahaan, oo aan dad ahaan ku faanayno oo qiimo inoo leh oo marka la inoo eego mandaqada aynu ku noolahay, ama tusaale ahaan walaalaheena Somalia xaaladdaha ka taagan oo kale, waa mid aynu isku hambalyayn karno kuna faani karno Illaahayna ugu mahad naqi karno, kuligeena waxa inagu waajiba Hadaynu dawlad nahay hadaynu axsaab nahay, hadaynu shacbiga qaybihiisa kala duwan nahay, inaynu nabad galyadaa dimuqraadiyadda horumarkaa, dadnimadaa aynu samaysanay inaynu hore umarino mooyee inaynaan dib uga noqon.
"Maanta markaynu runta sheegno inaga oo waxaa oo dhan ku faanayna, oo waliba inteeda badan waxay dadkaa iyo dalkaasi qabsadeen aan siinayno guusheeda Illaahay ka sokow shacbi waynaha reer Somaliland maanta hadaynu u fiirsano, dalkeena waxa ka qabsoomay haday jaamacado tahay, haday cusbitaalo tahay, waa haday wadooyin tahay waa haday Biriishyo tahay waa haday wax la qabanayo waa haday dalkii dumay ee dib loo aasasay tahay ee loo dhaqaaqay tahay inta badan waxa qabsaday waa shacbi waynaha Somaliland, wax maamul dawladeed qabtay aad iyo aad bay ugu yar tahay.
Gudoomiyaha Xisbiga KULMIYE waxa uu tilmaamay in marar kala duwan uu dalku galay halis balse ay shacbigu gacan ka geysteen in la qabto dadkii ku lugta lahaa "Waynu ognahay dalkeenu dhawr jeer buu halis galay argagixisaa laynagu bilaabay hawlo badan baa dibada inagaga yimiday mar walba dadkii qabanayay ee gacanta ka geysanayay waxay ahaayeen shacbi waynaha reer Somaliland.
Isaga oo hadalkiisa sii watana waxa uu yidhi "Maanta hadaynu run ku hadalno inagoo intaas oo dhan ku faanayna rajadaa mustaqbalkana qabna, ma qarin karno inuu inaga muuqdo mad madow badani inooga muuqdo mad madow wax ka badan baa nooga muuqda, waxaa nooga muuqda dumuqraadiyadeeni oo dhawr jeer doorashooyinkii dib inooga dheceen oo masuuliyadeedana anagu kolayba saarayno 100% dawladda ku meel gaadhka ah ee maanta taagan.
"Maamulka maanta inoo dhisani maaha maamulkaynu dooranay 5-sano ee aynu dooranay way dhamaatay, waanagii barigii dhawayd dooda iyo heshiiska wada galnay waxaanu ku galnay inay dawlad kumeel gaadh ah oo doorashadda soo socota inagu sinta ay noqoto ayaanu ku gaadhnay, maantana waxaanu leenahay heshiisyadii aanu gaadhnay laftigooda mad madow badan baa ka muuqda, qodobo badan oo aanu ku heshiinay oo caalamku markhaati nooga ahaa, oo ahaa inaan gudiyo samaysano oo aanu waxyaabo badan wada talaabsano dawladii aad iyo aad bay uga caga jiidaysaa, way muuqataa.
Waxa uu Axmed Siilaanyo si wayn u duray hadalkii dhawaan ka soo yeedhay Wasiirka arimaha gudaha ee uu Xirsi X. Cali ku edeeyay inuu Al-shabaab xidhiidh la leeyahay "Miyaynu maanta dawlada ka akhrisanayn iyada iyo cida la hal maasha dacaayadaha ay maanta dalka ku wadaan, dunida maanta waxa ka socda waynu og nahay, waxaa ka socda dhibaatooyin fara badan oo aynaan inagu doonayn, hadaynu reer Somaliland nahay iyo hadaynu mandaqada nahay iyo hadaynu geeska Africa nahay inay dhibaatooyinkaasi ay saamayn inagu yeeshaan, hirdanka maanta dunida ka socda inaynu inagu maanta isku soo hogaamino dhibaato oo aynu maanta dadkeena u bixino inay argagixiso la socoto oo ay dawladda afkeedi ka soo baxdaa war ma xalaalbaa midhkaasi? Maya maaha waa xaaran waxaanan u aragnaa inay qalad tahay.
Gudoomiyaha Xisbiga KULMIYE wuxuu sheegay inuu maanta cadaynayo baabuurta la jaray kurta iyo mawqifka xisbigiisa iyo taageerayaashooda "Waxaan maanta halkan idiinka cadaynayaa oo hadeer la sheegayay oo dawladu had iyo goor buun buunisaa Baabuur baa kurta la jaray, horta ilaa imika baabuurta madaxa la jaray indhahayga kuma arag cid aragtayna maan arag, wax laynoo soo bandhigayna ma jiraan, mararka qaarkood waxaan is idhaahdaa waa la abuurayaa, laakiin halkaa waxaan ka cadaynayaa in waxaa la sheegayo waxaan maqlaynaa hadalo dad loo duur xulayo oo imikana aan qaarkood maqlayay anigu waxaan ahay ninkii 80-ka cod ee waliba boobka ahaa ee tuugada ahaa ee dhaca ahaa nabad galyo darted si dalka loo xasiliyo kaga tagay.
"Anigu iyo xisbigaygu iyo inta iga tala qaadataa halgan horaan u soo marnay qadhaadhkiisana waan naqaana iyo xabadi waxay tahay maanta xabad wax ku dooni mayno ee cod baanu ku doonaynaa, gabi ahaanba waanu dhaleecaynaynaa waan canbaaraynaynaa wixii la sheegayaaba haday jiraanba kuwii qoryaha saaray shuqul ala shuqul aanu ku leenahayna ma jiro, umana baahnin xabad taageeradii dadkaanu haysanaa, shacbigii baanu haysanaa doorasho xor iyo xalaal ah baanu ku helaynaa, waanan hubnaa inaanu ku helaynaa oo dadkayaga iyo dalkayaga iyo shacbigayagi baanu haysanaa oo aanu aaminsan nahay."
Md. Siilaanyo waxa uu si wayn u duray dad uu sheegay in loo kiraysanayo af-miishaarnimo sidoo kale ayuu tilmaamay inuu si wayn uga soo hor jeedo Al-shabaab iyo cidii ku abtirsata Xisbigoodana aanay ka mid ahayn ee ay dagaal ka xigaan "In maanta dadka qaar af-miishaarnimo loo kiraystay shacbiga qaar oo sidii Madaxweyne ku-xigeenka Puntland lahaa war maxaa iskaga af-dhigay Madaxweyne ku-xigeenka Puntland iyo dawladeeni dalkeena xukumaysay? Oo la yidhi argagixaa dalkayaga ka dilaacday ee kaalaya na ban gareeya miyaa qoladii wax bam garayn jirtaye kaalay nala soo doontaa miyaa? Taasi waa wax laga xishoodo waana wax laga yaabo, waanan idiin cadaynaynaa arimahaas [Argagixisada iyo Al-shabaab] shuqul aanu ku leenahay ma jiro, mana aaminsanin, waanan ka xunahay waanan ka soo hor jeednaa wixii la socdana dagaal baanu ka xignaa oo waanu la dagaalamaynaa." Kuwaasi waxay ka mid ahaayeen hadaladii uu Axmed Siilaanyo gudoomiyaha Xisbiga kulmiye ka jeediyay xafladii qalin jabinta jaamacadda Hargeysa ee maanta.
Faysal Maxamed Xassan
Reporter, Harowo.com
Hargeysa, Somaliland | Name : Mr. Halgame
Subject : Re :timir lafbaa ku jirta: tobanka qodob ee shirka garadag qariyay maxay noqon karaa
Date : 2008-08-19
Weerarkii UCID, Isdifaacii KULMIYE iyo Wadhidii UDUB ka raacday Jaamacadda Hargeysa
Madaxweyne-ku-xigeenka:
“Dhaqanka Afrikaanku ku sagootiyaan madaxtoodu waxa weeye tuug, dilaa iyo qaatil buu ahaa, hadda waxaan leeyahay walaalkay Faysal kaas uun ha nagu sagootiyina”
Guddoomiyaha xisbiga UCID:
"Maanta ninka intuu gaadhi kurta ka jaro jabhad samaystaa horta yuu weerari lahaa?"
Guddoomiyaha KULMIYE:
“Waxaan maqlayaa dad loo duur-xulayee anigu waxaan ahaa ninkii 80 cod ee weliba boobka iyo tuugada ahaa kaga tagay nabadgelyada dalka”,
“Aniga iyo xisbigaygu halgan hore ayaanu u soo marnay, qadhaadhkiisa iyo xabbadi waxay tahayna waanu naqaan, maantase cod baanu wax ku doonaynaa”
Mr. Cumar Jaamac - UDUB:
“Maanta axsaabta qaranku inay taageeraan shir beeleedyo oo ay bilaabaan in gaadiid hub la saaro uma baahnin”
Hargeysa (Jam)- Siyaasiyiinta xisbiyada mucaaradka ah iyo xisbul-xaakimka UDUB, ayaa si kulul isugu weeraray xaflad loo sameeyey shalay qallin-jabinta dufcaddii shanaad ee ardayda Jaamacadda Hargeysa.
Ardaydan qallinjabisay oo tiradoodu dhammayday 250 arday oo dhammaystay saddex kulliyaddood oo kala ah Ganacsiga, Sharciga iyo Sayniska, kuwaas oo isugu jiray wiilal iyo gabadhaba, waxay waxbarashadaa wadeen muddo afar sanno ah.
Xafladda loo sameeyey qallin-jabinta ardaydaas waxa ka qaybgalay Madaxweyne-ku-xigeenka Somaliland, guddoomiyayaasha labada xisbi mucaarad iyo xubno kale oo wehelinayey, mudanayaal ka tirsan labada gole Baarlamaan, aqooyahano, maamulka iyo macalimiinta jaamacadda, ardayda qallin-jabinaysay iyo martisharaf kale oo tiro badan.
Madashadaas ujeedadeedu ahayd in lagu sii sagootiyo ardayda qalijabisay oo maamulka jaamacadda ee hagayeyna ay ka dalbeen masuuliyiinta iyo siyaasiyiinta ka qaybgalay in ay yareeyaan hadalada siyaasadda ah, ayaan sidaa noqon, balse isu rogtay goob aan waxba la isula hadhin oo weerar iyo weerar celis ku dambaysay, isla markaana keentay in masuulkii u hadlayey xisbiga talada haya ee UDUB lagu oriyo.
Madaxweyne-ku-xigeenka Somaliland Md. Axmed Yuusuf Yaasiin, oo ardaydaa guddoonsiiyey shahaadooyinka, ayaa hadal kooban oo uu halkaa ka jeediyey, waxa uu ugu hambelyeeyey ardayda qallin-jabisay oo uu ugu duceeyey in Ilaahay ku anfaco cilmiga ay barteen, iyaguna dalkooda iyo dadkooda wax ugu qabtaan. Waxaannu xukuumadda u soo jeediyey in ardayda ugu horreysa imtixaanaadka loo raadiyo aqoon dheeraad ah, gaar ahaan shahaadada Master-ka.
Md. Axmed Yuusus Yaasiin waxa uu u soo jeediyey maamulka Jaamacadda Hargeysa in Kulliyadda Sayniska lagu daro qayb deegaanka iyo ilaalintiisa lagu barto, taas oo wax badan ka tari doonta in dadku bartaan deegaanka ay baabinayaan dhibta ay keenayso. Waxaannu kula u soo jeediyey ardayda dhammaysatay qaybta Sayniska inay keenaan fikir lagu joojinayo geedka la jarayo oo khasaare ballaadhan deegaanka ku haya.
Madaxweyne-ku-xigeenku waxa kale oo isaga oo dabajoogay hadal uu Guddoomiyaha UCID Eng. Faysal Cali ku sheegay inay si fiican u sii sagootiyayaan xukuumadda haddii ay talada ka helaan, kaas oo Md. Axmed Yuusuf Yaasiin sheegay in dhaqanka Afrikaanku madaxdooda hore u sagootiyaan uu yahay caydiisa oo sheegsheegaan, isaga oo arrintaa ka hadlayeyna waxa uu yidhi; “Dhaqanka Afrikaanku ku sagootiyaan madaxtoodu waxa weeye tuug buu ahaa, dilaa buu ahaa iyo qaatil buu ahaa, laakiin marka uu dhinto ayey yidhaahdaan geesi wadani ah buu ahaa, hadda waxaan leeyahay walaalkay Faysal kaas uun ha nagu sagootiyina. Haddii aynu nahay masuuliyiintii waddanka waxaynu shacbiga ka codsanaynaa inay inooga duceeyaan kursi jacayl. Waxaanad ogaataan in kursiga uu ku fadhiisanayo uun nin samada laga ogolyahay ee aanay cid kale ku fadhiisanayn.”
Guddoomiyaha xisbiga UCID Eng. Faysal Cali-waraabe, ayaa sheegay in dalku yeeshay jaamacado badan, balse weli tayadoodu xun tahay oo aanay jirin tayo fiican oo ku soo kordhaysaa. Waxaannu xusay inay inta badan hormarka ay is hortaagaan dadka aan markaa xilka wax ka hayni.
“Maalin dhaweyd waxaan maqlayey jaamacadda odhat baadha ayaa la geliyey, waaban yaabay oo waxaan idhi waar dawladdaba odhat lama geline jaamacadda odhatku muxuu ka dhexqabnayaa. Way fiican tahay in wax la ogaado, laakiin maaha in lagu shaqaysto oo qof dan lihi odhat la geliyo jaamacadda, waanan baadhay arrintaa oo labada qolaba waan la sheekaystay, waxaanan ogaaday in ay iiga kac tahay meeshu ee aanay jirin wax kale. Horta haddii aannu qabano tallada waanu ku noqonaynaa manhajka aad wax ku barataan oo waanu bedelaynaa mid UNICEF noo soo samaysay dhigimayno,” ayuu yidhi Faysal Cali-waraabe
Guddoomiyuhu waxa uu kula dardaarmay ardayda in aanay cabsan oo dhammaan axsaabta qaranku ay heshiis ku yihiin Diiwaangelinta, Komishanka iyo Doorashooyinkaba, balse ay ka soo wada horjeedaa jabhadaha la doonayo in la sameeyo.
“In aynu innagu qori isku qaadanaa waa inaga xaaraan, waxaynu leenahay distoor waa in aynu dawladda waqtiga la siiyey ku eegnaa waxay qabatay oo aynu cod ku bedelnaa ee maaha in qoryo la qaato oo dadka la kiciyo. Maanta ninka intuu gaadhi kurta ka jaro jabhad samaystaa horta yuu weerari lahaa, anigu waxaan garan la’yahay halkuu weerari lahaa, waayo waxaynu nahay qaran Somaliland la yidhaa ee qabaa’il ma nihi. Markaa waxaannu leenahay wallaalayaal cagta u dhiga dawladda haddii aannu ka helnana si fiican baanu u sabootiyi doonaa.”
Guddoomiyaha xisbiga KULMIYE Md. Axmed Maxamed Maxamuud (Siilaanyo) oo isna halkaa ka hadlay ayaa sheegay in Jaamacadda Hargeysa ay dalka wax weyn u qabatay oo soo saartay dhallinyaro badan oo aqoonyahan ah, kuwaas oo mustaqbalka dalka Somaliland iyo aayihiisa gacanweyn ka geysan doonta.
Md. Siilaanyo waxa uu sheegay in horumarka dalka Somaliland gaadhay ee dhinacayda nabadgelyada, dimuqraadiyadda, dib-u-dhiska iyo ka horaga falalka waddanka lagu shirqoolayo ay ammaantiisa leeyihiin shacbiga reer Somaliland, balse buu yidhi; “Haddii aynu run ku hadalno innaga oo intaas oo dhan ku faanayna, ma qarin karno inuu madmadow badani inaga muuqdo, waxa inoo muuqda doorashooyinkii oo dhawr jeer dib-u-dhacay, taas oo masuuliyadeeda aannu saarayno dawladda ku meel-gaadhka ah ee maanta taagan, waayo maamulka inoo dhisani maaha kii aynu dooranay ee shantii sanno way ka dhammaatay. Heshiiskii berigii dhaweyd aannu gaadhay ayaanu ku heshiinay in dawladda ku meel-gaadh ah oo doorashooyinka ina gaadhsiisa noqoto, laakiin maanta qodobo badan oo heshiiskaa ka mid ahaa oo dunida iyo caalamku nooga makhraati ahaa sida in aannu gudiyo samaysano dawladdii aad bay uga warwareegaysaa oo way muuqataa.”
Md. Axmed-siilaanyo waxa uu xukuumadda ku eedeeyey inay dalka ugu yeedhayso ballaayo aan joogin, taas oo ah buu yidhi wax aan la aqbali karayn, isaga oo arrintaa ka hadlayeyna waxa uu yidhi; “Waxaanan maanta dawladda ka akhrisanaynin dacaayadaha ay iyadu dalka ku wado, dunida maanta waxa ka socda dhibaatooyin farabadan oo aynaan doonayn in ay saamayn inagu yeeshaan. Haddii haddaba inagu isku soo hoggaamino dhibaato oo aynu dalkeena ku bixino in argagixiso ka socoto oo ay dawladda afkeeda ka soo baxdaa ma xalaal baa? Mayee maaha ee waa xaaraan.”
“Waxa la soo qaadqaadayey oo dawladdu had iyo jeer sheegtaa baabuur baa kurta la jaray, horta baabuurta madaxa la jaray anigu indhahayga kuma arag weli wax arkayna ma arag, marmarka qaarkood waxaan is idhaahdaa waa la abuurayaa, laakiin waxaan halkan ka caddaynayaa waxaan maqlayaa dad loo duur-xulayee anigu waxaan ahaa ninkii 80 cod oo weliba boobka iyo tuugada ahaa kaga tagay nabadgelyada dalka ilaalinteeda, aniga, xisbigayga iyo inta iga taloqaadataa halgan hore ayaanu u soo marnay qadhaadhkiisana waanu naqaanaa, xabbadi waxay tahayna waanu naqaanaa maanta cod baanu wax ku doonaynaa ee xabbad wax ku dooni mayno. Haddii waxaa la sheegayaa jiraan waanu dhaleecaynaynaa shuqul aannu ku leenahayna ma jiro, wixii la socdana dagaal baanu ka xignaa in aannu ku qaadno weliba. Uma baahnin oo taageerada dadka ayaanu haysanaa oo aannu hubno in aannu doorashada ku helayno. Maxaa iskaga af-dhigay dawladdeenii dalka xukumaysay iyo Madaxweyne-ku-xigeenka Puntland ee lahaa argagixiso ayaa Somaliland joogta ee qolyihiinii wax bam garayn jirtay kaalaya na bam gareeya miyaa, waa wax laga xishoodo.”
Sidoo kale, Mr. Cumar Jaamac oo ku hadlayey magaca xisbiga UDUB, ayaa waxa uu sheegay in aqoontu tahay waxa lagu qiimeeyo horumarka dal kasta, taas oo uu ku hambalyeeyey ardayda qallin-jabisay oo uu u rajeeyey inay noqdaan qaar mustaqbalkoodu wanaagsanaado. Isaga oo ardayda qallin-jabisayna u soo jeediyey inay ka qaybqaataan horumarka dhinacyada kala duwan ee dalka.
Cumar Jaamac oo u muuqday nin u kacay u jawaabidda Axmed-siilaanyo waxa uu ku dooday in xisbiyada qaarkood oo aannu si cad u magac dhabin ay doonayaan in lagu noqdo qabiilkii, kuwaas oo wada buu yidhi shirbeeleedyo, isla markaana ay taageersan yihiin baabuur la sheegay in kurta laga jaray oo la soo qabtay.
“Maanta axsaabta qaranku inay taageeraan shir beeleedyo oo ay bilaabaan in hub dib loo soo saaro gaadiidka oo ay inagu celiyaan tii 1991 - 92-kii uma baahnin. Waxa wax aad looga naxo ahayd oo aad talafishanada ka daawateen in afar gaadiid ah oo hub la saarayey oo axsaabta qaar taageerayeen laga soo qabtay miyiga oo ay maanta lagu hayo, waa ayaan-darro in aynu maanta dib hub ula galno miyiga,” ayuu yidhi Cumar Jaamac.
Haseyeeshee markuu hadalkiisa halkaa marinayo ayaa waxa madashii ka bilaabmay qaylo, foodhi iyo sawaxan lagaga soo horjeeday hadalladaas, taas oo keentay in aannu sii wadan Karin khudbadiisii oo uu halkaa ku joojiyo.
Wasiirka Waxbarashada Md. Xasan X. Maxmuud Warsame (Xasan-gadhweyne) oo isna halkaa ka hadlay, ayaa ardayda qallin-jabisay ku dhiirigeliyey aqoonta ay barteen iyo sidii ay u sii wadan lahaayeenba, isaga oo tilmaamay inay nasiib u heleen aqoon heer jaamacadeed, taas oo aanay helin in badan oo la mid ahi. Wasiirku waxa kale oo uu ka xogwaramay xidhiidhka ka dhexeeya Wasaaraddiisa iyo jaamacadaha dalka oo uu tilmaamay inuu yahay mid wanaagsan oo wadashaqayn iyo talowadaag ku salaysan.
“Waan ka xumahay halkani Khayriyadii maaha, meel bay leedahay siyaasaddu, xisbi waliba xarun buu leeyahay meel Khayriyada la yidhaa oo inaga dhexaysaana way jirtaa, waxaan ka rajaynayaa saddexdayada dhinacba in aan halkan lala iman arrimihii aynu khayriyada ka odhan lahayn, aynu u aragno in halkan aqoonyahan joogo, kuwaas oo leh aragti siyaasadeed oo ka fog waxaynu ka hadlayno,” ayuu yidhi Wasiirku.
Md. Xasan X. Maxamuud Warsame, waxa uu si gaar ah u naqdiyey hadalkii Guddoomiyaha UCID Faysal Cali ee ahaa in jaamacadaha manhajaka ay u soo diyaariyaan hay’ado, isaga oo arrintaa ka hadlayeyna waxa uu yidhi; “Saaxiibkay Faysal Cali-waraabe, horta isku reer Xamar baanu ahaan jirnay meelna waanu ka wada shaqayn jirnay Injineerka, berigii hore hadalkiisu sixitaan buu ahaan jiray, laakiin iminka waxaad moodaa inuu waxoogaa darbado marmar ridayo. Xukuumaddu ma diidana in la naqdiyo oo la sheego madmadowgeeda, maxaa yeelay sixitaan bay noo tahay haddii ay jirto, haddii kalena waa been baanu leenahay. Jaamacadaha UNEICO uma diyaariso manhajka ee jaamacado kale ayay ku wada xidhan yihiin.”
Wasiiru-dawlaha Waxbarashada Md. Maxamuud Garaad Maxamed oo isna halkaa ka hadlay, ayaa sheegay in dimuqraadiyaddu tahay in qof waliba aragtidiisa sheego sax iyo khaladba, balse ay ardayda la gudboonayd inay mid waliba dhegaystaan oo aanay midna ku qaylin midna u sacabatumin.
Md. Garaad waxa isaga oo dabajoogay hadalkii Axmed-siilaanyo ee ahaa in 80 cod oo xaaraan ah uu uga tagay nabadgelyada dalka awgeed, waxa uu yidhi; “Guddoomiye Axmed-siilaanyo arrimuhuu ka hadlay waxa I taabtay markuu yidhi 80-kii xaaraanta ahaa, horta Guddoomiye luuqadaa waan ka bedeli lahaa, aniga oo waqtigaa ka tirsanaa Komishanka mid baanu ku mahadinaynaa taariikh leh oo afrikaanku waa la iga helay maba qaato 80 ama kumanaan ha lagaaga helee. Aniguna waxaan markhaati Ilaahay hortii kala kacayaa in cododkii la soo hooyey ee la saxeexay uu 80-ka cod ka soo baxay.”
Ku-simaha Guddoomiyaha ahna ku-xigeenka dhinaca Maamulka Mr. Maxamed Maxamuud Faarax oo magaca Jaamacadda ku hadlayey ayaa ka waramay horumarkii ay jaamacaddu gaadhay muddadii ay jirtay ee sideeda sanno ahayd, isaga oo tilmaamay in dadaal dheer ay ugu jiraan sidii ay waxqabadkooda u sii horumarin lahaayeen.
“Waxaan idiin sheegayaa in kooxdan qallin-jabisay ay raad ku dayasho leh jaamacadda kaga tagayso, waxa la tabi doonaa firfircooni joogta ah oo ay lahaayeen, waxa la tabi doonaa daraasad iyo xal u helida dhibaatooyinka jaamacadda ku soo kordha, waxa la tabi doonaa abaabulka dood cilmiyeedyada iyo sarraaxadda ay ku waajahayeen wixii soo baxa,” ayuu yidhi Ku-simaha Guddoomiyaha Jaamacaddu.
Hormoodka dhinaca waxbarashada ee Jaamacadda Cabdirashiid Gaaxnuug oo halkaa ka hadlay, ayaa faahfaahin ka bixiyey lixda kulliyadood ee jaamacaddu ka kooban tahay iyo qaabka ay wax u dhigaan, kuwaas oo kala ah ganacsiga, sharciga, culuunta, daraasaadka islaamiga, caafimaadka, culuunta kumbuyuurka, iyo koorasyo kale oo gaagaaban. Waxaanay ardayda dhammaan kuliyadahaa dhigataa dhan tahay 2050.
Cabdirashiid waxa uu tilmaamay in sannadka soo socda ay ugu magacdareen sannadkii tayeynta Jaamacadda, isla markaana ay wax ka bedeli doonaan manhajka ardaydu wax ku barato, iyaga oo ku soo kordhin doona maadooyin xidhiidh la leh deegaanka dalka. Sidoo kalena ay siyaasad cad u sameynayaan habka imtixaanaadka jaamacadda. Waxa kale oo uu sheegay inay sannadka ku soo kordhiyeen jaamacadda laba kulliyaddood oo kala ah mac-had lagu baranayo xalinta khilaafaadka oo jaamacado dibada ahi ka caawinayaan iyo mac-had kale oo lagu baranayo Qur’aanka oo ay ka caawisay dawladda Sucuudigu, kaas oo waxbarashadiisu bilaash tahay.
Waxa iyaguna munaasibadaa ka hadlay hormoodada saddexda kulliyadood ee ardayni ka qallin-jabisay ee kala ah ganacsiga, sharciga iyo sayniska, kuwaas oo faahfaahin ka bixiyey heerarkii kala duwanaa ee ay soo martay aqoontoodu iyo siday uga soo gudbeen.
Jamhuuriya Online |
|
[ Reply ] |
|
Name : Doorane
Subject : Re : timir lafbaa ku jirta: tobanka qodob ee shirka garadag qariyay maxay noqon karaa
Date : 2008-08-18
|
Hargaysa (Qaran news)-Boqor Cismaan Aw Maxamuud Buurmadaw ayaa shalay Shir jaara’id oo uu ku qabtay Magaalada Hargaysa kaga waramay arimo dhawra oo ay ka mid ahayeen Safarkii uu kutagay Bariga Somaliland iyo shirarkii Gar-adag iyo Caynabo,waxaanu ugu horayn hadalkiisa ku bilaabay boqorku: “ mudo waxaan ku maqnaa safar aan ku qabtay Bariga Somaliland halkaas oon u tagnay shir markii hore lagaga dhawaajiyay Shir dhaqan oo Beelaha Habarjeclo loo qabtay.
Waxaan uga tacsiyadeenayaa beelaha lagu magacaabay shirkaas, in shirkii noqon waayey shir beeshu leedahay,oo uu noqday shir ay qalin-dareyeen ama ka shaqeeyeen siyaasiyiin ka tagtay Hargaysa oo ka kooban qaybaha Somaliland, shirkaas oo runtii ajaandihiisa lagaga shaqeeyay Hargaysa laguna dhex tuuray beesha waxaa si toosa uu xanbaarsanaa shirkaas Xilbaanadii ka tirsaana beesha ,oo fulinayay shaxdii lagu sii goo’yey Hargaysa ,waxaa kaloo xanbarsanaa oo fuliinayay Guddomiyaha Guurtida iyo Guddoomiyaha xisbiga Kulmiye ,runtii waxaay noqotay in shirkii ka baaqdo sidii anu ugu tala galnay.
Madax dhaqameed-yadayadii markaanu isku nimi waxaanu ku tala galnay in aanu wax ka badalno ajandihii markii aanu isku nimii habeenkii u horaysay 5 madax dhaqamed ayaanu ahayn, shantayadii markaanu isku nimi waxaanu go’aaminay in ajandaha la saxo oo wixii siyaasada laga saaro , alla ha u naxariistee Suldan Maxamed Cabdi Cali geeriyooday muddo saddex cisho markanu tacsidii u fadhinay waxaa dhacday in ajandihii siyaasadeed dib loogu soo celiyo; ajandaha shirku wuxuu ahaa oo ku cad oo lagu duminayo qaranka.
Umana baahna in cid wax laga waydiiyo, waad maqlayseen in shalay Guddoomiyaha Kulmiye Axmed Siilaanyo BBc ka sheegay in shirku ahaa shir siyaasadeed laguna soo casuumay beelaha Somaliland.
Boqor Cisman Buurmadow waxaa kale oo uu ka hadlay ariinta baaburta dusha la goyay ee qoryaha la saray waxaanu sheegay inaanay beeshu shaqo ku lahayn ee rag kale ka danbeeyeen oo Xisbiyada madax ka ah waxaanu yidhi
“ Qoryaha iyo baabuurta la gooyey beeshu ma laha rag waawayn oo la wada og yahay oo faylkodii la hayo ayaa hawsha waday oo Xisbiyo madax ka ah wuxuu ahaa arinkasi arin inqilaaba , waxaana la doonayay in la isku beego rabshadaa iyo tageero meesha kasoo baxda iyo inqilaab waxaan odhan karaa markii arinkasii noo cadatay , ee aanu aragnay in beeshii dagaal anay ogayn la galinayo oo Baabuur anay lahayn oo la ogyahay meeshay ka yimadeen inamo la saaro oo beesha sidaa lagu dagaal galiyo, wataan go’ansanay in shirka lagu kala koco ,shirkiina ay qaybtii yarayd ee siyaasadu isugu soo hadho dad an 40ka badnay oo Xildhibaano hoogaminayeen.Intayadii kalana ay qabatay shirkii Caynabo ,si aanu u badbadino qaranka Somaliland iyo beeshaba mana hayn shirka Cayabo mid beesha lagu kala jabinyo ee wuxuu ahaa badbaado Qaran.”
Boqor Cismaan wuxuu xukuumada ku dhaliilay in aanay waxba ka qaban dadkii ka danbeeyay falkaas isku dayga inqilaab ahaa oo layaqaan bu yidhii raga ka dan beyey oo dalka jaha-wareer galiyay oo waliba caasimada Hargaysa dhex socda.
Waxaanu ku dhaliilay xeer ilaalinta oo uu sheegay in aanay wajibkoodi gudan
Ugu danbaytii Boqor Buurmadow wuxuu sheegay hadii ay Gudoomiyaha Xisbiga Kulmiye isku beel yihiin oo uu Gudoomiyuhu beesha iyo qarankaba dab gelinayo inuu ka qabanayo waxaanu sheegay in madaxda Kulmiye ay baabuurta hubka saartay shirkan Gar-adagna ay yimaadeen iyagoo hubaysan hadii ay shirka ay iman lahayeen iyagoo aan hubaysnayn in la soo dhawayn lahaa.
Mar uu ka hadalayey arrintan maamuus xayuubintiisa waxa uu sheegay cida arrintaa wadaa inay tahay Xildhibaanadii ku hadhay shirkii Gar-adag, salaadiinta Beeshuna ay soo saareen bayaan ay arrintaasi ku beeninayaan .
Hadii Gudoomiyaha Xisbiga Kulmiye aanu isku beel nahay oo uu Gudoomiyuhu beesha iyo qarankaba dab gelinayo waan ka qabanayaa.
Boqor Cismaan Buurmadow.
Name : Mr. Halgame
Subject : Re :timir lafbaa ku jirta: tobanka qodob ee shirka garadag qariyay maxay noqon karaa
Date : 2008-08-18
Cimaamad godob laga Huwadey!!!
August 18th, 2008
“Dunta Bili nin lagu xidhay
Dabin loogu yimi Bahal
Haddii Aano loo dilo
Dibindaabyo ugu filan”.
Tucudan oo ku jirta mid ka mid ah badweynta maansooyinka iyo suugaanta kala duwan ee Abwaanka weyn ee Reer Somaliland, Maxamed Ibraahim Warsame (Hadraawi), waxaan u qaatay inay tilmaamayso oo ina barayso qofka bulshada meeqaam sare ka gaadha ama ay boqrato marka uu galo wax milgihiisa ka hooseeya oo agagasnimo ah in aan loo cudurdaari karin wixii uu kala kulmo. Tusaale ahaan, haddii nin martabad sare haystey oo loo hanweynaa, maalinta dambe la qabto isagoo tuug ah oo guri jabsaday ama dhooqo dhex dabaalanaya inay tahay looma fadhi, waana inaad garawsataa inay tahay geeri foolxun oo naxdin leh, weliba wixii ciqaab iyo cambaarayn uu ku mutaystona uu galabsaday.
Waxaan u soo qaatay, xikmaddan inaan naftayda ku qanciyo oo aan kaga samirsiiyo qiso tan oo kale ah.
Haybta iyo xidhiidhka dhiig waa mid Soomaalida oo dhan ku tallaalan, aynu ugu camalfalaan si joogto ah, balse, qiyaasta qofba ka qaato garashada iyo aqoonta lagu kala shaandheeyo (Qabyaaladda) xumaanteeda iyo samaanteeda, sharkeeda iyo khayrkeeda, xaqeeda iyo baaddilkeeda ayaa dadku ku kala duwan yahay ama qofba saami Illaahay ka siiyey. Sidaa darteed, farxad iyo faan bay ii ahayd marka aan maqlo Boqor Cismaan Aw Maxamuud (Buurmadow) ayaa dhexdhexaadiyey oo ku guuleystey Cabdillaahi Yuusuf iyo Cadde Muuse, soona afjaray dagaalkii Boosaaso ku dhexmaray labadaa nin oo kala hoggaaminayey malleeshiyo beeleed oo reer Puntland ah. Markaan maqlay inuu dhexdhexaadinayo Beelaha Hawiye, gaar ahaan, Qabiilka Cayr ee H/Gidir oo aad u taageeri jirey Maxaakiimta iyo Ra’iisul Wasaaraha Itoobiya, Meles Zenawi, kadib markii ciidamada Itoobiya ay Muqdisho ka saareen xoogagii Maxaakiimta, magaalada Addis Ababana uu muddo dheer u fadhiyey hawshaas, iyada oo la siiyey maamuus heer qaran ah, loona aqoonsanaa Boqor Soomaaliyeed. Markaan maqlo inuu maalkiisa ku kala furtay beelo colaadi dhexmiranaysey oo isagu uu bixiyey mago la isku haystey ama sidoo kale uu ku kala furtay baabuur la kala qafaashey, sidii uu ka sameeyey gobolada Bariga kadib caleemasaarkiisii. Markaan maqlo isaga oo hankiisa dallacsiiyey oo sheeganaya inuu Boqor u yahay Soomaalida Geeska Afrika oo dhan.
Arrimahaasi waxay ii ahaayeen aniga iyo qabiilkaygaba sharaf iyo qiimo uu noo kordhiyey. Waxay noo ahayd inuu magaca aanu wadaagno sare u qaaday, isla markaana uu noo dhigay abaal-taariikheed iyo dhaqan oo ummaddu nagu tixgeliso ama aanu ku dhexmarno.
Dhinaca kale, nasiibdarro, waxaanu ka xumaannaa oo aanu ka damqanaa marka aan arko ama aan maqlo isaga oo dhex batalaqsanaya arrimaha siyaasadda ee gudaha oo beeshu – sida beelaha kale – ay u leedahay rag ka shaqeeya kuna gelaya godob siyaasadeed oo aan loo baahnayn, dhaawacna u geysanaysa magaciisa, sharaftiisa, masuuliyaddiisa dhaqan intaba. Arrintan oo soo noqnoqotay, xadhig gayeysiisey, dadkiisu may jeclaysan, waana lagala taliyey, magaciisana hoos bay u dhigtay. Soomaalidu waxay tidhaahdaa “Dhidar Xabaala-qodaa Qudhun buu uga dhacaaye” wuxuu uga dhacay dhiriq iyo dhooqo, markuu shirka reerkiisa oo Shiikh iyo Shariifba loo dhan yahay uu meherad siyaasadeed ka doonay, kana fallaagoobey.
Boqorkii biliga iyo buruudka lahaa waxa la arkay isagoo dhooqo ku dabaashay oo mudh iyo gacan ah oo Dumar iyo Caruuri dhagax ku eryanayaan, kuna dhawaaqaya “Majnuun…Majnuun…. Ninka Waalan…Ninka Waalan….” Illayn ceeb looma dhinto!! Ma wixii la ogaa intuu Garadag ka sameeyey ayuu Caynabana waxan isla taagey oo uu ummad dhan oo qaran ah u quudhay Cay iyo ceebayn.
Waxaanu isku qoomamaynay oo aanu isku haaraanay caleema-saarkiisii iyo doorashadiisii, cabashadayaduna waxay soo saartay iimihiisii iyo boogihiisii hore ee bulshada iyo beelaha kale ka indhaqarsanayeen, waxaanuna la kulanay weji-bax aanu ka kaftami kari weyney marfushyada iyo maqaayadaha oo uu noo soo duwey iyo naanays, waxaanuna ogaaney in beeshayadu tusaale xun u tahay bulshada oo nalagu xanto inaanu nahay reerka ninkooda xun dallacsiiya oo ka dhigta Boqor, debiilahoodana buunbuuniya.
Halkaa markay nala marayso, waxaanu huri weyney inaanu nidhaahno marka horeba beeshu may Boqran. “Ku qariyey qariyey ee Haanyahay Gun Cad!”.
Alle ha u naxariistee Alamsey waxa laga hayaa “Adeer Gadhku Gadhkaad mooddey maaha!”. Annaguna waxaanu leenahay “Cimaamaddu Cimaamaddaad mooddey maaha ee waa Cimaamad godob laga huwadey!!!”.
Cimaamadda godobta laga huwadaa waa farsamo soo baxday burburkii dowladdii Soomaaliya intii ka dambeysey. Waxaana bilaabay sidaan taariikhda ku maqlay nin reer Sool ah oo ka mid ahaa Saraakiishii sarsare ee taliskii Siyaad Barre u joogey goboladan la odhan jirey Waqooyi-galbeed Soomaaliya, kaas oo markii dowladdiisii dhacday, isagoo ka dhuumanaya wixii uu geystey, kana baqaya SNM iyo dadkii taageeri jirey inta uu markiiba reerkiisii u tegey isu caleema-saaray Garaad, isla markaana cimaamad iyo koofiyad loo xidhay, taas oo uu uga jeedo in uu ku masaxo taariikhdiisa hore, ummaddana uu ku dhexmaro sharaf iyo ixtiraam dhaqan. Waxa kale oo la sheegay in Saraakiil kalena ay sidaas oo kale yeeleen.
Sidaas oo kale, Buurmadowna wuxuu koofiyadda iyo Cimaamadda ka huwadey faldembiyeed ugub ku ah Isaaq oo uu ku kacay. Wuxuuna u shaqaynayaa ciddii ka caawisay cimaamadda iyo koofiyadda, si uu ummadda ugu dhexmaro oo shuruud kula gashay inuu iyagana siyaasad ahaan ugu adeego. Taasina waa sababta uu ula dagaalamayo shirka reerka, waxayna daliil u tahay in aan beeshu boqran, waxna ka ogeyn.
Beel ahaanna, waxa damiir-xumo noo ah inaanu Buurmadow ku raacno kala qaybinta iyo colaadda uu doonayo inuu dhexdhigo labada reer ee walaalaha ah (Muuse Abokor iyo Maxamed Abokor), iyadoo la ogyahay in aanada falkii uu galay loo Afduubay Saleebaan Maxamuud Aadan oo uu maanta inooga dhigayo Shisheeye ku sooduuley dhul aanay lahayn.
Waxaan ku soo gabagabaynayaa Boqornimada Buurmadow:
Waa maro gargaran oo Adhyaha lagu Gabraartaaye
Kol haddii Waraabuhu gashado Giiro waa Halis
Gudgude, Hadraawi.
Cabdi Maxamed Jaamac (Cabdi yare)
Hargeysa.
E-mail: cabdi.jama@yahoo.com |
|
[ Reply ] |
|
Name : Mr. Halgame
Subject : Re : timir lafbaa ku jirta: tobanka qodob ee shirka garadag qariyay maxay noqon karaa
Date : 2008-08-18
|
“ Garadag” OR the Government…
Which one of the above two must we worry a lot “Garadag” convention, or the government actions?
Lately there was a lot of “qooqa,”a vain talk. A lot of disinformation, despondency and actions bortarnish dering deception instigated by the government to undermine and the “Garadag” convention before even the convention started!
A lot of clan-based conventions has taken placed in side and out side Somaliland, ranging
From Somaliland haters with their agenda of denial and destruction of Somaliland, to “Gulwadazed” government orchestrated gatherings/conventions against the voices of conscience!
No Abdi warabe, no Ina Ali warabe, No Riyale, ever talked of these ill intended destructive conventions or gatherings, let alone denounce them which they deserved to be denounced!
Bear in mind that the conference there told us that they are over there for the good of the communities there and for the good of Somaliland. We do not see any ill intentions for that. Why the government is afraid of?
The government actions or reactions on rounding up innocent citizens and killing them by trigger “ fitna” trouble which we least need when people are starving, but a witnet government may not see it that way!
The government actions defy universal intelligence, fairness and even common sense! The elements that are parking the loudest are the very ones who used to do this job and extra for Mr. Morgan when he was there where Riyale is now!
At that time SNM was the target. Now “Garadag” convention is the target in a different circumstance by a different entity!
We travelled that road before! It is a familiar song! We saw it before! It smells no good!
Before the Somaliland rulers scare us of “Garadag”-convention, let every body in Somaliland and out side the Mother Land ask them selves’ two-truth based questions and then try to answer them.
1-Who is the people gathered there, in “Garadag” which the government is scared us of? The answer is: -
They are the very people who sacrificed blood and treasure for the liberation of Somaliland and the establishment of this 2nd Republic of Somaliland
2- Who are this government and their attack dogs throwing unfair suspicion on “Garadag” convention? The answer: -
They are the remnants of late Afwayne who have no emotional bond to this 2nd Republic of Somaliland. That is why they are doing what they are doing! Therefore, who of the two parties are we to worry a lot and be afraid of for the country?
It is like Morgan telling us- “be afraid of Garadag, Gabiley, Oodwayne, etc!”
The ruling entity created an unseen culture of corruption in Somaliland
1-The president owns all comes to the presidency and all goes there! The presidency is the National Bank
2-Every Minister owns what ever (the budget) goes to his/her Ministry minus the meager salaries of the skeleton, discontented staff that neither grows nor develops!
3-They kept an illegitimate “Guurti” her term in office expired long time ago for the purpose of defending and extending the term of a president his term also in office expired too! Here the opposition stood with them against the constititution of the nation!
4-the government keeps that illegitimate house to kill the work of the House of Representatives prematurely upon birth and they succeeded that evil mission perfectly!
5-The government and the Goorti told the world that Somaliland is not stable and there is no real peace with legs there, only to justify the illegal extension of the term of the president! -Unfortunately the opposition joined forces with them here too!
Mr.Ould Abdulla, the UN representative for Somalia took this message to the UN. The secretary general of the UN cited that report and told the world body what the government and the goorti of Somaliland publicly announced and told his representative, that there is no peace in Somaliland! (Perhaps the government is on some thing, creating evil for the Motherland?)
Remember peace was and is the beacon and the showcase and the mantra for Somaliland! But this government has killed all these, and no Abdiwarabi and likes ever raised a descending voice! On the contrary the old man was an important part of this betrayal of immense proportions! The parliament in being silent in all these is with them too!
And that was the only product Somaliland was selling to the world, to win recognition!
That is the government, which is scaring the people of the Garadag convention!
No Abdiwarabi and none of those parking loud against Garadag never said any thing against this national stupidity, which borders treason!
They sold Somaliland just to satisfy their greed and moved Somaliland to where ever the instinct of their greed for money may lead them, like Aljaberalization of the free market, like the Aljaberalzation of the political parties, and yet they dared to tell us to be afraid of Garadag!
The government resorted to a negative, nasty, conflict-creating approach in this convention and indeed in all other cases they dealt with
Now which one, the government which descended on Somaliland at a time the nations conscience was on indefinite leave of absence, or the Garadag convention which calls of no evil, are we to worry about?
How ever, peace.
|
[ Reply ] |
|
Name : Mr. Halgame
Subject : Re : timir lafbaa ku jirta: tobanka qodob ee shirka garadag qariyay maxay noqon karaa
Date : 2008-08-18
|
Mareegtan hoose koobi gareyso oo ka akhriso warkii maanta ee cinwaankiisu yahay, "Ethiopians withdrawing from Mogadishu" gaar ahaan qaybta ka khuseysa Somaliland:
http://www.presstv.com/Detail.aspx?id=66854§ionid=351020501
Ka dib, markaad u fiirsato oo dhuuxdo warkan, waxa ka khuseeya Somaliland, maxaa kuu soo baxaya?
Guul iyo Gobanimo,
Mr. Halgame,
May God bless the people and the State of Somaliland. Amiin
|
[ Reply ] |
|
|
Print timir lafbaa ku jirta: tobanka qodob ee shirka garadag qariyay maxay noqon karaa